ЖАКтын абактарынын биринде жалпы тинтүү жүргүзүлүп, тыюу салынган буюмдар алынды (фото)

Жаза аткаруу кызматынын мекемелеринин биринде жалпы тинтүү жүргүзүлдү. Бул тууралуу аталган башкармалыктын басма сөз кызматы билдирди.

Иш-чара “терс көз караштагы соттолгондордун тобунун башкаларга таасиринин алдын алуу, тыюу салынган буюмдарды табуу жана алуу, мүмкүн болгон жер астындагы кендерди жана башка качууга даярдык көрүү максатында жасалган жолдорду табуу үчүн” өткөрүлдү.

Жыйынтыгында тыюу салынган буюмдар алынды:

• ар кандай үлгүдөгү мобилдик байланыш каражаттары - 95 даана;

• тешүү жана кесүүчү буюмдар - 163 даана;

• акча - 2 миң 240 сом;

• башка буюмдар (заряддаткычтар, батарейкалар жана уюлдук телефондор үчүн кулакчындар, оюн карталары ж.б.) - 340 даана.

«Ички тартипти сактабаган камактагылар жазалоочу камерага киргизилди. Кызматкерлер тарабынан соттолгондор менен жабык жайларда тыюу салынган буюмдарды колдонууга жана алып жүрүүгө тыюу салуу жана мыйзам талаптарын так сактоо боюнча түшүндүрүү иштери жүргүзүлүүдө», — деп айтылат ЖАКтын маалыматында.