Ишти министрликтер арасында бөлүштүрдүк. Бул тууралуу бүгүн министрлер кабинетинин төрагасынын орун басары – суу чарба, айыл чарба жана кайра иштетүү өнөр жай министри Бакыт Төрөбаев билдирди.
Ал энергетиктер жылуулук менен камсыздоо үчүн төрт от казанды ишке киргизүү иштерин баштаарын, ӨКМ менен Мамлекеттик курулуш комитети имаратты тазалоо жана калыбына келтирүү иштерин баштаарын билдирди.
Төрөбаев алдын ала маалымат боюнча, от казандары жарылуудан жабыркаган эмес деп билдирди.
"Алар жакшы абалда. Баштапкы этапта биз бүгүн өтүп, шейшембиге чейин туруктуу абалга келишибиз керек», - деди ал.
Эске салсак, бүгүн түндө Бишкек ЖЭБде авария болуп, 14-казан иштен чыкканы айтылууда.
Пикирлер (0)
Пикир жок. Сиз биринчилерден болушуңуз мүмкүн