Жогорку Кеңештин депутаты Камила Талиева административдик-аймактык реформанын экинчи этабында президенттин облустардагы ыйгарым укуктуу өкүлдөрүнүн кызматын жоюуну сунуштады.
Бүгүн "Ата-Журт Кыргызстан" парламенттик фракциясы административдик-аймактык реформанын жыйынтыгын укту.
Талиеванын айтымында, бул кызматтар ашыкча жана бюрократияны күчөтөт.
"Облустарда өкүлчүлүктөр качан жоюлат? Бул да реформанын бир бөлүгү. Кайталоочу органдар өтө көп. Губернаторлордун кереги жок, райондук акимдер жетиштүү. Алар бири-биринин функцияларын кайталайт. Ошол жактан кыскартпайсыңарбы", — деди депутат.
Жыйынга чакырылган чиновниктер Талиеванын суроосуна жооп берген жок. Кесиптешинин сөзүн депутат Надира Нарматова да колдоп, губернаторлор ишти жайлатарын айтты.
Пикирлер (0)
Пикир жок. Сиз биринчилерден болушуңуз мүмкүн