Жогорку Кеңештин депутаттарын кайрадан шайлоо күнү жакында белгиленет. Бул тууралуу Борбордук шайлоо комиссиясынын мүчөсү Тынчтык Шайназаров "Биринчи радиого" берген маегинде билдирди.
Анын айтымында, шайлоочулар добуш берүүгө катышуу үчүн өздөрүн каттоо кызматынан текшерип алууга тийиш.
"Жогорку Кеңештин депутаттарын кайрадан шайлоо күнү жакынкы күндөрү белгилүү болот. Мыйзамга президент кол коёт. Мыйзамга ылайык, шайлоого 90 күн калганда шайлоо датасы белгиленет.
Ал эми шайлоочулар өздөрүнүн каттоодо турган жерин тактап алууга дагы бир жумадай убакыт бар",- деди Шайназаров.
Пикирлер (0)
Пикир жок. Сиз биринчилерден болушуңуз мүмкүн