Жалал-Абадда мыкаачылык менен адам өлтүргөн жаран 11 жылдан кийин Кыргызстанга экстрадицияланды

Мыкаачылык менен киши өлтүрдү деп айыпталган адам Польшадан экстрадицияланды. Бул тууралуу Башкы прокуратура кабарлады.

Маалыматта кылмыш Жалал-Абаддын Сузак районунда 2011-жылы жасалган.

Эл аралык издөөгө алынган шектүү 11 жыл бою жасалма паспорт менен Украина жана Түркияда баш калкалап жүргөнү айтылды.

Экстрадициялоо процедурасы алты айга созулуп, айыпталуучу 10-сентябрда Кыргызстанга жөнөтүлгөн.