Жапаров: Кредит тойлорго эмес, кайсы багытта алынса, ошол багытта иштетилет

Мамлекеттик банктардын капиталдык уставын көтөрдүк. Бул туурасында президент Садыр Жапаров Министрлер кабинетинин жылдык отчётун окуп жаткан учурда билдирди.

"Биздин баланста үч мамлекеттик банк бар. Алар: "РСК банк", "Керемет" жана "Айыл банк".

Алардын капиталы аз болгондуктан элге кредиттерди жогору пайыз менен берген.

Биз аталган банктардын капиталдык уставын көтөрдүк. Мындан ары, кредиттерди кайсы багытта алынса, ошол багытта иштетилет. Мурдагыдай жер иштетем деп, тойлорго чачуу жок. Баары текшерилет",- деди президент.