Жапаров менен Рахмондун жолугушуусунда 32 км чек ара макулдашылганы айтылды

29-июнда президент Садыр Жапаров  Тажикстандын президенти Эмомали Рахмон менен жолугушуусунда чек ара мамилеси негизги маселе катары каралган. 

Жабык эшик артында эки президент 6 сааттай убакыт сүйлөшүп, андан кийин делегациялардын катышуусунда кеңейтилген форматта жыйын уланган.

Жолугушуу соңунда кошуна өлкөнүн президенти Эмомали Рахмон кыргыз-тажик чек арасындагы 32 километр аралык боюнча макулдашуу болгонун айткан.

Бирок макулдашылган аймак кайсы жерде экени тууралуу эки тарап да расмий билдирүү тарата элек.