Жайган колдой дарактын ноодалары, жаз жакындап калганын туюп турду

Коргошундай булуттар уюп турду,

Көнөк-көнөк көз жашын куюп турду.

Жайган колдой дарактын ноодалары,

Жаз жакындап калганын туюп турду.

Күн жылт этти - чилдеден дарман кетти,

Күндү сүйгөн чалдардан арман кетти.

Кыштын калган жыртылып чарыгындай,

Жазды жерип кайдадыр карга кетти...

Абдиллабек АВАЗОВ