Жээнбек Кулубаев расмий иш сапары менен Түркияга барат

КР Тышкы иштер министри Жээнбек Кулубаев 16-17-августта расмий иш сапары менен Түркияга барат. Бул тууралуу министрликтин маалымат кызматы билдирет.

Маалыматка ылайык, сапардын алкагында эки өлкөнүн тышкы иштер министрлеринин сүйлөшүүлөрү жана Биргелешкен стратегиялык пландоо тобунун 5-жыйыны өткөрүлөт.

Мындан тышкары, кыргыз-түрк мамилелерине тиешелүү  саясий, соода-сатык,  экономикалык, маданий  багытта көп кырдуу кызматташтыкты мындан ары өнүктүрүүгө жана бекемдөөгө багытталган маселелер каралат.

Ошондой эле министрдин иш сапарынын алкагында бир катар жогорку деңгээлдеги жолугушуулар жана эки тарапты кызыктырган аймактык жана эл аралык маселелер боюнча пикир алмашуу пландаштырылууда.