Бүгүн борбор калаанын четиндеги Орок айылында министрлер кабинетине караштуу Жер ресурстары, кадастр, геодезия жана картография боюнча мамлекеттик агенттиктин жаңы имаратынын курулушуна мезгил кутусун салуу аземи болуп өттү.
Курулуш президенттин Иш башкармалыгы менен биргеликте жүргүзүлүп, жер маселеси чөйрөсүндө мамлекеттик кызмат көрсөтүүлөрдү жакшыртууга, ошондой эле алардын жарандар үчүн жеткиликтүүлүгүн жогорулатууга багытталган.
Алты кабаттуу жаңы имарат жарандарга жана кызматкерлерге ыңгайлуу шарттарды түзөт.
Анда 3 миңден ашык адамды тейлөөгө ылайыкталган санариптик кызмат көрсөтүүлөр, заманбап кабыл алуу, күтүү залдары каралган.
Мындан сырткары, 252 орундуу унаа токтотуучу жай, архивдерди сактоочу жай жана эс алуу үчүн сейил бактарды куруу пландалган.
Долбоор жерге жайгаштыруу жана кадастрдык кызмат көрсөтүүлөрдү санариптештирүүнү жана модернизациялоону өнүктүрүүгө маанилүү салым кошот. Жаңы имарат жарандар үчүн мамлекеттик кызматтарды алууну жеңилдетип, кошумча жумуш орундарын түзүп, мекеменин ишинин натыйжалуулугун жогорулатат.
Курулуш – өлкөнүн инфраструктурасын өнүктүрүүгө жана жарандардын жашоо сапатын жакшыртууга багытталган маанилүү инвестиция.
Пикирлер (0)
Пикир жок. Сиз биринчилерден болушуңуз мүмкүн