Жыл аягына чейин канча көчөдө автобустар үчүн тилке пайда болот?

Бишкек мэриясы жыл соңуна чейин бир катар көчөдө автобус линиялары (сары тилке) пайда болорун айтып, аларды тизмектеди.

Сары тилке түшө турчу көчөлөр:

- Байтик баатыр — Абдрахманов көчөсүнүн Жибек Жолунан Түштүк магистралга чейинки бөлүгү;

- Жибек Жолу проспектиси — Лермонтовдон Фучикке чейинки бөлүгү;

- Манас проспектиси — Жибек Жолунан Ахунбаевге чейинки бөлүгү;

- Ахунбаев көчөсү — Садырбаевден Байтик баатырга чейинки бөлүгү;

- Дэн Сяопин проспектиси — Фучиктен Алыкуловго чейинки бөлүгү;

- Чүй проспектиси — 7-апрелден Фучикке чейинки бөлүгү;

- 7-апрель көчөсү — Жибек Жолунан Анкарага чейинки бөлүгү.

Автобустар үчүн тилке буга чейин Түштүк магистралдын Жетикашкаева көчөсүнөн Байтик баатырга чейинки жерине чийилген. Муниципалитеттин маалыматы боюнча, ордо калаада 1000ден ашык автобус жүрмөкчү.