Жыл башынан бери Жогорку Кеңешти камсыздоого жарым миллиард сарпталган

Январь-июнь айларында Жогорку Кеңешти камсыздоого  571,7 миллион сом сарпталган. Бул маалыматтарды Каржы министрлиги билдирди.

Белгиленгендей, каражаттын көбү эмгек акы төлөөгө кеткен – 398,5 миллион сом. Мындан тышкары, дагы 57,2 миллиону башка товарларды жана кызматтарды сатып алууга жана 53,9 миллиону Социалдык фондго чегерүүлөргө жумшалды.

Командировкаларга кеткен чыгымдар 15,5 миллион сомду, байланыш кызматына 2,3 миллион сомду түздү.

Кошумчалай кетсек, 12,6 миллион сом Жогорку Кеңештин төрагасынын резервдик фонду болгон.