2022-жылдын башынан бери Кыргызстанда дизель майынын баасы 17,55 сомго же 30 пайызга кымбаттады. Мындай маалыматты Улуттук статистикалык комитет билдирет.
Эгерде 2022-жылдын 3-январында дизель майы республика боюнча орточо эсеп менен 58,21 сомду түзсө, сентябрдын аягында анын баасы 75,76 сомго жеткен. АИ-95 1,71 сомго, АИ-92 2,06 сомго кымбаттады.
Өткөн жылдын ушул мезгилине салыштырмалуу дизель майы 24,25 сомго, же 47 пайызга кымбаттады.
Бензиндин баасы да кымбаттады. Былтыркыга салыштырмалуу АИ-92 4,31 сомго, АИ-95 4,84 сомго кымбаттады.
Акыркы бир айда АИ-95 үлгүсүндөгү бензин 39 тыйынга, АИ-92 үлгүсүндөгү бензин 1,44 сомго арзандаганы байкалды. Дизель майынын баасы өзгөргөн жок.
Пикирлер (0)
Пикир жок. Сиз биринчилерден болушуңуз мүмкүн