Жогорку Кеңештин мурунку депутаты, мамлекеттик ишмер Жангороз Каниметов 70 жашында дүйнөдөн кайтты. Бул тууралуу Каракол шаарынын мэриясынан билдиришти.
Маалыматка караганда, андан пневмония оорусу аныкталган.
Педагогикалык илимдеринин доктору, мамлекеттик ишмер Ж.Каниметов 1950-жылы Ысык-Көл облусунун Түп районунун Токтоян айылында туулган. Ал Караколдогу мамлекеттик педагогикалык институтун жана Кыргыз улуттук университетин аяктаган. Бир топ жыл билим берүү тармагында иштеген.
2007-жылы Билим берүү жана илим министринин орун басары болуп эмгектенген. Андан кийин Жогорку Кеңештин 3 жолку депутаты болгон.
Ж.Каниметов Каракол шаарынын мэри Адыл Камиметовдун атасы.
Пикирлер (0)
Пикир жок. Сиз биринчилерден болушуңуз мүмкүн