Жогорку сот Ахматбек Келдибековго карата чыккан өкүмдөрдү жокко чыгарды

Жогорку сот Жогорку Кеңештин мурдагы төрагасы Акматбек Келдибековго карата чыккан өкүмдөрдү жокко чыгарды. Бул тууралуу мекеменин басма сөз кызматы 24.кг агенттигине билдирген.

Маалыматка караганда, мындай чечим жаңы ачылган жагдайларга байланыштуу кабыл алынган.

"Жогорку сот Ахматбек Келдибековго карата 2015-жылдын 12-ноябрында Биринчи Май райондук сотунун, 2016-жылы 11-мартта Бишкек шаардык сотунун жана 2016-жылы 13-октябрда чыккан өкүмүн жокко чыгарды. 

Жаңы ачылган жагдайларга байланыштуу ишти кайра кароо Биринчи Май райондук сотуна жөнөтүлдү",- деп айтылат маалыматта.