Замирбек Осмонов өзү чоңойгон Лейлекте добуш берди

Замирбек Осмонов бүгүн, 4-октябрда Жогорку Кеңештин депутаттарын шайлоодо добуш берди.

Ал жарандык парзын өзү чоңойгон Лейлек районундагы Чимген айылында аткарды.

Бүгүн Кыргызстанда парламенттик шайлоо өтүп жатат. Ага 16 саясий партия ат салышууда. Шайлоого карата жалпы 2 миң 475 шайлоо тилкеси даярдалып, анын ичинде чет мамлекеттерде 45 шайлоо тилкеси ачылган. Шайлоочулардын тизмесине 3 млн 523 миң 532 киши киргизилген.