Өкмөттүн аппарат башчысы Жеңишбек Асанкулов "Спекулянттын" ашмалтайын чыгардыбы?

Коомчулукта "Спекулянт" соода түйүнүнүн айланасындагы ызы-чуунун артында өкмөттүн аппарат башчысы Жеңишбек Асанкулов турганы айтылууда. Бул боюнча “Апрель” ТВ каналы да маалымдады. Аталган канал билдиргендей, компаниянын негиздөөчүлөрүнүн бири Асанкуловду айыптап чыккан.

“Сөз өкмөттүн аппарат башчысы Жеңишбек Асанкулов тууралуу болуп жатат. Соода түйүндүн ашмалтайын чыгаргандардын артында ушул киши турат дешет. Бул жерде рейдердик басып алуу жүрүүдө”, - деп айтылат аталган маалыматта.

Айрым кабарларга караганда Ж.Асанкулов бул аракеттерин укук коргоо органдарындагы жакындарынын колдоосу менен ишке ашырууда. Биз бул факты боюнча кенен иликтөөнү баштадык. Жакынкы күндөрү өкмөттүн аппарат башчысынын үйнүнөн “камандын башы” чыгып калышы толугу менен ыктымал.