Өлкөдө бир суткада 5 медиктен коронавирус аныкталып, 14 ак халатчан айыгып чыкты

Бир сутка ичинде өлкө боюнча 5 медициналык кызматкер коронавирус жуктуруп алганы аныкталды. Бул тууралуу Коомдук саламаттыкты сактоо башкармалыгынын башчысы Айнура Акматова 14-сентябрдагы брифингде билдирди. 

Жаңы учурлар: 

- Баткен облусунда – 4

- Ысык-Көл облусунда – 1

Ал эми бир суткада ооруканалардан 5 медкызматкер жана үй карантининен 9 медкызматкер айыгып чыгарылган.

Жалпысынан республика боюнча COVID-19 диагнозу менен медициналык кызматкерлер арасында – 3172 учур катталды, алардын ичинен 2699 медкызматкер айыгып чыкты.