Кыргызстанда өзгөчө абал жана өзгөчө кырдаал режими киргизилгенден бери TUNDUK.KG порталы арыкылуу гуманитардык жардам сурап 838 924 үй-бүлө кайрылды. Бул тууралуу Эмгек жана социалдык өнүгүү министринин орун басары Ализа Солтонбекова брифинг учурунда билдирди.
Анын айтымында, бүгүнкү күндө 524 645 үй-бүлө азык-түлүк баштыкчалары менен камсыз болду. (Анын ичинен жергиликтүү бюджеттен - 64646, демөөрчүлөрдөн - 285111, ЭСӨМдүн депозиттик эсебинен - 26616, өкмөттөн бөлүнгөн каражаттардан (200 млн. сом) – 148454).
Министрликтин алдында депозиттик эсеп алчылган күндөн тартып жалпысынан 17 423 282 сом түшкөн. Анын ичинен комиссиянын чечими менен 16 139 996 сом муктаждарды азык-түлүк менен камсыз кылууга бөлүнгөн. Депозитте калган сумма 1 283 286 сомду түзөт.
Бүгүнкү күндө республика боюнча муктаж үй-бүлөлөргө жалпысынан 8181,75 тонна ун бөлүнгөн.
Пикирлер (0)
Пикир жок. Сиз биринчилерден болушуңуз мүмкүн