Өткөн суткада 7 медиктен коронавирус аныкталып, 19 ак халатчан айыкты

Бир сутка ичинде өлкө боюнча 7 медициналык кызматкер коронавирус жуктуруп алганы аныкталды. Бул тууралуу республикалык штабдан билдиришти. 

Жаңы учурлар: 

- Бишкек шаарында – 2

- Ош облусунда – 1

- Ош шаарында  – 1

- Баткен облусунда – 3

Ал эми бир суткада ооруканалардан 2 медкызматкер жана үй карантининен 17 медкызматкер айыгып чыгарылган.

Жалпысынан республика боюнча COVID-19 диагнозу менен медициналык кызматкерлер арасында – 3234 учур катталды, алардын ичинен 2937 медкызматкер айыгып чыкты.