Кыргызстандын экономикасына тышкы жана ички факторлор өздөрүнүн таасирлерин тийгизип жатат. Бул тууралуу Улуттук банктын төрагасы Толкунбек Абдыгулов 26-августтагы брифингде билдирди.
Анын айтымында, өлкөнүн экономикалык жигердүүлүгүнүн көрсөткүчтөрү терс зонада болуусу уланууда.
"Бирок бизнестин жандана баштаганына жараша ИДӨнүн калыбына келиши күтүлгөн болжолдоолорго караганда тез жүрүп жатканын байкап жатабыз. 2020-жылдын январь-июль айларынын жыйынтыгы боюнча реалдуу ИДӨ 6,1 пайызга төмөндөгөн, Кумтөрдү эске албаганда төмөндөө 7,7% түзгөн", - деп билдирди Толкунбек Абдыгулов.
Өлкөгө акча которуулар агымынын көлөмү өткөн жылдын көрсөткүчтөрүнөн төмөн бойдон калган (2020-жылдын январь-июнь айларында, өлкөгө акча которуулардын таза агылып кирүү агымы 763,6 млн доллар түзүү менен 13,1 пайызга төмөндөгөн), бул ички керектөөнүн бир калыпта кармалышын шарттаган.
Пикирлер (0)
Пикир жок. Сиз биринчилерден болушуңуз мүмкүн