Өлүмгө да алып келиши мүмкүн. Дүйнөнүн 10дон ашык өлкөсүндө маймыл чечеги катталды

Дүйнөлүк саламаттыкты сактоо уюму дүйнөгө таралып жаткан маймыл чечеги инфекциясы боюнча коңгуроо кагууда.

Чет элдик маалымат каражаттарынын маалыматына караганда, маймыл чечеги инфекциясы буга чейин Африка өлкөлөрүндө гана катталып келген болсо, бул жолу Европа Америка жана Австралияда да катталды.

Португалияда маймыл чечегинин 20дан ашык учуру катталган. Ошондой эле Швейцария, Англия, Франция, Бельгия, Израиль, Италия, Испания өлкөлөрүндө да катталганы жарыяланды.

Мындан сырткары, күн мурун Германия өлкө аймагында маймыл чечегинин алгачкы учуру катталганын билдирди.