"Ден соолук кербени" Гүлчө айыл аймагына барды

"Примов" фонду тарабынан уюштурулган "Ден соолук кербени" өзүнүн медициналык кербенин улантууда. 

Жогорку Кеңештин депутаты Улан Примовдун маалыматына караганда, дарыгерлер жана фонддун социалдык кызматкерлери Алай районунун Гүлчө айыл аймагына барышты. Медициналык кароо эртеден кечке уланып, заманбап текшерүүчү шаймандар менен жабдылган бейтапкана элди акысыз дарылайт. 

Буга чейин аталган фонд "Ден соолук кербени" аттуу долбоордун алкагында Алай районунун ондой айылында элди акысыз кароого шарт түзүп жана керектүү даары-дармектерди таратышкан. Жалпысынан 4000ге жакын адам медициналык изилдөөдөн өткөн.