Жогорку Кеңеш Кумтөр алтын кенин иштетүүчү ишкананын ишин текшерүү үчүн комиссия түздү. "Республика - Ата Журт" парламенттик фракциясынын сунушу менен эл өкүлдөрүнүн көпчүлүгүнүн колдоосуна ээ болду.
Комиссиянын курамына 12 депутат: Өмүрбек Бакиров, Рыскелди Момбеков, Самат Ибраев, Айнуру Алтыбаева, Умбеталы Кыдыралиев, Абдыбек Дүйшалиев, Закир Шарапов, Замирбек Эсенаманов, Урмат Самаев, Осмон Турдуманбетов, Акылбек Жапаров жана Каныбек Иманалиев кирди.
Алар жакында комиссиянын иштөө эрежелери менен шарттарын кабыл алышат.
Депутаттар буга чейинки парламенттик жана өкмөттүк комиссиялардын чечимдеринин аткарылышын текшерүүгө ниеттенүүдө.
Пикирлер (0)
Пикир жок. Сиз биринчилерден болушуңуз мүмкүн