"Манас" аэропорту жүргүнчүлөр үчүн эки жаңы трап сатып алды

"Манас" эл аралык аэропорту жүргүнчүлөр үчүн шарттарды жакшыртууда максатында эки жаңы трап сатып алды. Бул тууралуу аэропорттун басма сөз кызматынан билдиришти.

Маалыматка ылайык, жабык түрдөгү траптар жаан, кар жааган мезгилде келген жүргүнчүлөрдү тосуп алууга жана учакка отургузууда бир топ жакшы шарттарды камсыздайт.

Бул кадам "Манас" эл аралык аэропортунун жетекчилигинин инфраструктураны тынымсыз жакшыртууга жана жүргүнчүлөрдү алдыңкы технологиялар жана ыңгайлуулук менен камсыздоого умтулуусунан кабар берет.