"Семёнов — Тянь-Шань" чокусунда он күндөн бери чет элдик турист изделүүдө

"Семёнов — Тянь-Шань" чокусунан дайынсыз жоголгон турист изделүүдө. Бул тууралуу Өзгөчө кырдаалдар министрлигинен билдиришти.

Маалыматка ылайык, 14-июлда К.С. аттуу чет өлкөлүк жаран "Семёнов — Тянь-Шань" чокусуна чыгып кеткен бойдон байланышка чыкпай жаткандыгын айтып, туугандары ӨКМге карйылышкан.

Аталган жаран "Эдельвейс" тоодо куткаруу кошууну тарабынан тынымсыз изделүүдө.

Кечээ, 23-июлда саат 15:15те күн ысып, кар эрий баштагандыктан, кар көчкүдөгү куткаруу иштери убактылуу токтоп, куткаруу тобу Семёнов чокусунан Хижина Рацекага кайтышты. Издөөдөн жыйынтык болгон жок.