"Тазалыктын" директору аны кызматтан кетирүү талабына комментарий берди

“Тазалык” муниципалдык ишканасынын директору Рамиз Алиев аны кызматтан кетирүү боюнча профсоюздун талабына комментарий берди.

Ал белгилегендей, биринчи даттануулар февраль айында пайда болуп, кол койгондордун көбү буга чейин өз оюнан кайткан. Рамиз Алиев кошумчалагандай, аз сандагы кызматкерлер, 40ка жакын адам нааразычылыктарын билдиришсе, «Тазалыкта» 1,5 миңдей иштейт.

«Ишкананын 90 миллион сом карызы бар болчу. 2015-жылдан бери бир да унаа, бир дагы контейнер сатылып алынган эмес. Уланта берсек болот. Мунун баары 40ка жакын адамдын эмгеги», - деди ал.

Профсоюздун кайрылуусунда айтылган ар бир пунктка “Тазалык” ишканасынын жетекчиси жооп берди. Ал иштебегендерге сөгүш жарыялаганын айтты.

«Абоненттик бөлүм «Тазалыктын» кирешесин түзүүчү адамдар. Инспекторлор көчөлөрдү кыдырып, дүкөндөр, кафелер, техникалык тейлөө станциялары менен таштанды чыгаруу боюнча келишим түзүп, квитанцияларды таратып жатышат. Мен реформаны абоненттик тейлөөдөн баштадым, анткени «Тазалыктын» айлык кирешеси тилекке каршы 20 миллион сомдун тегерегинде, чыгашасы 30 миллион болчу. Чыгымды азайтуу кыйын экенин, кирешени көбөйтүү керек экенин түшүндүм», - деди Рамиз Алиев.

Ал 67 кишиге - башкармалыктын кызматкерлерине телефон чалып, төлөбөгөн чарбалык субъектилер көп экенин эскерткен. Аларга ротация сунуштаган.

"Бул кадимки практика. Бир адам бир тармакта көп жыл иштесе, коррупциялык тобокелчиликтер бар. Февраль айында тариф көтөрүлүп, чарба жүргүзүүчү субъекттер менен келишимдерди кайра түзүү зарыл болгон. Биздин базада алардын 10 миңге жакыны бар. Бир инспектор күнүнө 0,5 келишим түзгөн. Мен жыйын өткөрүп, 30 сөгүш берем. Кийинки күнү келишимдердин саны алты эсеге көбөйдү. Эми тарифтин көтөрүлүшүн эске алганда киреше 43 млн сомду түзүп, 22 миң турак-жай абоненти жана 911 чарба субъектилери кошулду. Алар биздин база болушкан, бирок төлөчү эмес”, - дейт Рамиз Алиев.