"Жер үйдөгү" фабриканын ачылышына Путин катышат

Президент Садыр Жапаров 17-мартта "Жер Үй" алтын кенине барат. Бул тууралуу  "Супер.кг" порталы өздүк булактарына таянып жазды.

Айрым маалымат каражаттары бул иш-чарага Орусиянын президенти Владимир Путин онлайн катышарын жазып чыгышты.

17-мартта "Жер Үй" кенинде алтын иштеткен фабриканын ачылышынын өтүүсү күтүлүүдө.

"Жер Үй" алтын кени Талас районунун Бекмолдо айылында жайгашкан. Садыр Жапаров мындан тышкары Таластын дагы кайсы жерлерине барары азырынча белгисиз.