Кыргызстанда өсүмдүк майынын баасы бир жылда дээрлик бир жарым эсеге жогорулады. Бул тууралуу КР Улуттук статистикалык комитетинин басма сөз кызматы билдирет.
Маалыматка ылайык, Улутстатком тарабынан республиканын 18 калктуу конушу боюнча өсүмдүк майына жүргүзүлгөн орточо керектөө бааларынын ар күндүк мониторингинин жыйынтыктары көрсөткөндөй, өткөн жылдын октябрь айына салыштырмалуу өсүмдүк майына болгон баалар республика боюнча 45,7 пайызга жогорулаган.
Күн карама майынын чекене баалары республика боюнча орточо эсеп менен (бир кг үчүн 173,98 сом) өткөн жылдын октябрь айына салыштырмалуу 42,2 пайызга жогрулаган, ал эми пахта майынын баасы бир кг үчүн 179,25 сомду түзүп, 48,4 пайызга өстү.
Пикирлер (0)
Пикир жок. Сиз биринчилерден болушуңуз мүмкүн