Өткөн суткада 25 ак халатчандан коронавирус аныкталып, 36 медик айыкты

Бир сутка ичинде өлкө боюнча 25 медициналык кызматкер коронавирус жуктуруп алганы аныкталды. Бул тууралуу Коомдук саламаттыкты сактоо башкармалыгынын башчысы Айнура Акматова 4-августтагы брифингде билдирди. 

Жаңы учурлар: 

- Бишкек шаарында – 2

- Ош шаарында – 8

- Ош облусунда – 3

- Жалал-Абад облусунда – 4

- Ысык-Көл облусунда – 5

-  Чүй облусунда – 3

Ал эми бир суткада 5 медициналык кызматкер ооруканалардан айыгып чыгарылды. Мындан сырткары үй карантининен 36 медициналык кызматкер айыгып чыгарылды.

Жалпысынан республика боюнча COVID-19 диагнозу менен медициналык кызматкерлер арасында – 2854 учур катталды, алардын ичинен 1894 медкызматкер айыгып чыкты.