Өткөн суткада өлкөдө 10 дарыгер коронавируска кабылып, 60 медик айыкты

Бир сутка ичинде өлкө боюнча 10 медициналык кызматкер коронавирус жуктуруп алганы аныкталды. Бул тууралуу Коомдук саламаттыкты сактоо башкармалыгынын башчысы Айнура Акматова 8-августтагы брифингде билдирди. 

Жаңы учурлар: 

- Бишкек шаары – 1

- Ош шаары – 2

- Баткен облусунда – 3

- Жалал-Абад облусунда – 1

- Ысык-Көл облусунда – 1

-  Чүй облусунда – 1

-  Нарын облусунда – 1

Ал эми бир суткада 12 медициналык кызматкер ооруканалардан айыгып чыгарылды. Мындан сырткары үй карантининен 60 медициналык кызматкер айыгып чыгарылды.

Жалпысынан республика боюнча COVID-19 диагнозу менен медициналык кызматкерлер арасында – 2938 учур катталды, алардын ичинен 2097 медкызматкер айыгып чыкты.