Өз алдынча дарылануу инфекция жуккан жана контакта болгон адамдардын санынын көбөйүүсүнө алып келүүдө. Бул тууралуу Бишкектин вице-мэри Татьяна Кузнецова 12-июндагы брифингде билдирди.
Анын айтымында, Бишкекте коронавирус менен жалпы тастыкталган учурлардын ичинен 63 жаран өздөрү кайрылгандар.
"Ал эми 34 учурдун булагы такталбагандыктан, Шаардык санэпидкөзөмөл борбору изилдөөнү улантып жатат. Биз инфекция жуккан булактарды аныктоо боюнча иштерди жүргүзүп жатабыз. Айрым жарандар, вирусту коомдук жайлардан - базардан, соода борборлорунан, коомдук транспорт жана автобустардан жүктуруп алганын айтышкан", - деди Кузнецова.
Бишкек шаары боюнча 12-июнга карата жалпы 162 адамдан COVID-19 аныкталган.
Пикирлер (0)
Пикир жок. Сиз биринчилерден болушуңуз мүмкүн