Үстүбүздөгү жылдын январь-октябрь айларында ички дүң продукциянын көлөмү алдын ала эсептөөлөр боюнча дээрлик 689 млрд сомду түздү. Бул тууралуу Улуттук статистикалык комитеттин төрагасынын орун басары Бакытбек Шокенов брифингде билдирди.
Анын айтымында, 2021-жылдын январь-октябрь айларына салыштырмалуу көрсөткүч 7%га өскөн.
Ал ИДПнын өсүшүнө тейлөө тармагындагы сооданын көлөмүнүн өсүшү таасир эткендигин белгиледи.
"ИДПнын түзүмүндө эң чоң үлүш тейлөө чөйрөсүнө – 45%, өнөр жайдын үлүшү 18%, айыл чарбасы – 14%дан ашык жана курулуштун үлүшү 7%га жакынды түздү. "Кумтөр" кенин иштетүү боюнча ишканаларды эсепке албаганда, үстүбүздөгү жылдын январь-октябрь айларында ИДПнын көлөмү 641 млрд сомдон ашыкты түзүп, 5%га өстү", - деди Шокенов.
Пикирлер (0)
Пикир жок. Сиз биринчилерден болушуңуз мүмкүн