Мэрия Свердлов районунун аймагында дагы бир эмдөө жайы ачылганын жана коллективде 10 киши коронавируска каршы вакцина алууну кааласа мобилдик топ барып сайып берерин билдирди.
"Свердлов районунун урматтуу жашоочулары, сиздердин ыңгайлуулук үчүн аталган аймакта дагы кошумча эмдөө жайын ачтык. Ал Жибек жолу №381 дарегинде, "Эльдорадо" соода борборунун имаратында жайгашкан", — деп айтылат маалыматта.
Шаардыктар аталган жерден саат 8:00дөн 18:00гө чейин вакцина сайдырып кетсе болору кабарланды.
"Эгерде сиздердин жамаатта вакцина алууну каалаган 10 киши болсо, мобилдик топту жиберип эмдөө жасатабыз. Алар вакцинаны санитардык-эпидемиологиялык бардык эрежелерди сактоо менен тез арада сайып беришет", — деп билдирди мэриядан.
Эмделе турган адам өзү менен кошо паспорту болушу шарт экени айтылды.
Пикирлер (0)
Пикир жок. Сиз биринчилерден болушуңуз мүмкүн