Кыргызстандык спортчу Айпери Медет кызы кыз-келиндер арасында күрөш боюнча Дүйнө чемпионатынын жарым финалына чыкты. Бул тууралуу United World Wrestling уюмунун сайтында айтылат.
Кыргызстандык спортчу 76 кг салмакта болгариялык Мария Орешкова менен мелдештин 1/8 финалында күрөштү. Айпери Медет кызы атаандашына мүмкүнчүлүк бербестен 10:0 эсебинде утуп алды.
Чейрек финалда россиялык Марина Суровцева менен кезек келип, мекендешибиз аны дагы 10:0 эсебинде жеңген.
Эске салсак, спорттук күрөш боюнча Дүйнө чемпионаты 2-10-октябрда Норвегиянын Осло шаарында өтүүдө. Ага Кыргызстандын атынан 15 балбан аттанган.
Пикирлер (0)
Пикир жок. Сиз биринчилерден болушуңуз мүмкүн