Үстүбүздөгү жылдын 1-июлунан бүгүнкү күнгө чейин ыкчам медицина борборуна (103) 59 миң 83 чалуу келип түштү, деп маалымады Республикалык штабдын басма сөз кызматы.
Алардын ичинен 9 миң 442 чалуу катталып, 5 миңден ашык консультация берилди. Борбор шаардын тургундарынын билдирүүлөрү боюнча, 5071 жолу чыгуу аткарылып, 1323 пневмония учуру жана 57 COVID-19 учуру катталды, 840 адам ооруканага жаткырылды.
Белгилей кетсек, июнь айындагы ушул эле учурда 6775 кайрылуу катталып, 3481 консультация берилди.
Өткөн айда 5275 жолу чыгуу аткарылып, 325 COVID-19 учуру жана 97 пневмония учуру аныкталган, 1611 адам ооруканага жаткырылган.
Бул мезгилде 103 кызматына түшкөн чалуулардын жалпы саны катталган эмес.
Пикирлер (0)
Пикир жок. Сиз биринчилерден болушуңуз мүмкүн