11 айда азык-түлүктүн баасы 13 пайызга кымбаттаган

2022-жылдын 11 айында керектөө бааларынын көрсөткүчү 13,5 пайызга өстү. Бул тууралуу  Улуттук статистикалык комитеттен билдиришти.

Маалыматка ылайык, алкоголдук ичимдиктердин жана тамеки азыктарынын баалары – 21,7%га, тамак-аш азыктары жана алкоголсуз суусундуктар – 14,8%га, азык-түлүк эмес товарлар – 11,4%га жана калкка кызмат көрсөтүүлөрдүн тарифтери – 8,4%га жогорулады.

Ал эми өнөр жай тармагында өсүш байкалган, бул тармактагы продукциялардын көлөмү 2022-жылдын январь-ноябрында 383 млрд сомдон ашкан.

Курулуш тармагында оң тенденциялар байкалып, өсүш 5,3%ды түздү, ал эми айыл чарбасында 6,4%, дүң жана чекене соодада өсүш 7,6%ды түздү.