“Мамлекеттик ипотекалык компания” акционердик коомунун акционерлери 1-августтагы кезексиз жыйынында “Экспострой курулуш компаниясы” ЖЧКсы менен келишимди жактырышты, деп билдирет Кыргыз фондулук биржа.
Курулуш компаниясы төмөндөгү жер участокторунда турак жай комплексин долбоорлойт жана курат:
- аянты 7,51 га жер тилкеси, Бишкек ш., 11-кичи район, Нуркамал көч, 3
- аянты 2,13 га жер тилкеси, Бишкек ш., 11-кичи район, Каралаева - Нуркамал көчөлөрү.
КР Юстиция министрлигинин маалыматы боюнча, «Экспострой курулуш компаниясы» ЖЧКсынын жетекчиси жана негиздөөчүсү Түлеев Кубанычбек Бексултанович — Бишкек шаарынын мурдагы мэринин жээни.
Акционерлер «Экспострой курулуш компаниясы» ЖЧКсына инвестициялык келишимдин шарттарында баланстык баасы 1 млрд 406 млн 821,8 миң сомдук жалпы аянты 9,64 га 2 жер тилкесин убактылуу пайдаланууга бекитишти.
Пикирлер (0)
Пикир жок. Сиз биринчилерден болушуңуз мүмкүн