12 жашар баланы сүзүп качып кеткен айдоочу кармалды

12 жашар өспүрүмдү унаасы менен сүзүп качып кеткен адам кармалды. Бул тууралуу Ички иштер министрлигинин басма сөз кызматынан кабарлашты.  

Маалыматка ылайык, 2020-жылдын 2-марттында  болжол менен саат 11:30дар чамасында белгисиз айдоочу унаасы менен Садырбаев көчөсү менен түштүк тарапка бара жатып, Садырбаев жана Семетей көчөлөрүнүн кесилишинен 2008-жылы туулган А.Б. аттуу баланы сүзүп, кырсык болгон жерден качып кеткен. Жол кырсыгынын натыйжасында өспүрүм жабыркап, №3 балдар  ооруканасына кайрылган.

Кийин ыкчам издөө  иш-аракетинин натыйжасында Бишкек шаардык ички иштер башкы башкармалыгынын милициянын  кайгуул кызматынын издөө  бөлумү тарабынан 2020-жылдын 7-марттында “Мазда” үлгүсүндөгү автоунаанын айдоочусу 1965-жылы туулган Э.Т. атуу жаран кармалып, Бишкек шаардык ички иштер башкармалыгынын тергөө кызматына өткөрүлүп берилген.

Бул факт Кылмыштардын жана жооруктардын бирдиктүү  реестрине катталып, 155-берененин (Автомототранспорттук  каражаттардын кыймылынын жана аларды  пайдалануунун коопсуздук эрежелерин  бузуу) негизинде сотко чейинки териштирүү иштери башталган.