14-апрелге караган түнү коменданттык саатта 46 жаран кармалды

Өлкө аймагында 14-апрелге карата коменданттык саат учурунда ички иштер органдарынын бөлүмдөрүнө 46 жаран жеткирилип, 9 автоунаа атайын жайларга токтотулду. Бул тууралууу Ички иштер министрлигинин басма сөз кызматынан билдиришти.

Маалыматка ылайык, Бишкек шаарында - 40, Жалал-Абад шаары боюнча – 6 адам кармалган. Ал эми, Ош шаары, Сузак, Кара-Суу жана Ноокат райондорунда тартип бузуулар катталган эмес.

Жалпысынан алганда 25-марттан баштап бүгүнкү күнгө чейин өлкө аймагында 2518 жаран коменданттык саатты бузгандыктары үчүн кармалган.