13,9 миллион сомдук жер тилкеси Бишкек шаарынын мэриясынын балансына кайтарылды. Бул тууралуу Башкы прокуратура билдирди.
Анын айтымында, текшерүүнүн жүрүшүндө Ленин райондук көзөмөл органы тарабынан акимчилик А.И. аттуу жаранга Иманкулов көчөсүнөн (Түштүк магистралды кесип өтөт) турак жай куруу үчүн участок мыйзамсыз бергендиги аныкталган. Райондук администрациянын чечиминин негизинде жеке менчик укугу боюнча мамлекеттик акт чыгарылган.
Мыйзамсыз берилген жер тилкесин мамлекетке кайтаруу үчүн райондук прокуратура сотко кайрылган. Сотто бардык дооматтар толугу менен канааттандырылган.
«Текшерүүнүн жыйынтыгы менен мэриянын атына прокурордук чара көрүү актысы берилип, базар баасы 13 миллион 992 миң сомду түзгөн жер тилкеси муниципалдык менчикке кайтарылып берилди», — деп айтылат көзөмөл органынын маалыматында.
Пикирлер (0)
Пикир жок. Сиз биринчилерден болушуңуз мүмкүн