16-июнь: COVID-19дун жаңы 100 учуру катталып сутканын рекорддук көрсөткүчүнө жетти (видео)

16-июнга карата республика боюнча СOVID-19 инфекциясынын жаңы 100 учуру катталды. Бул тууралуу саламаттыкты сактоо министринин орун басары Нурболот Үсөнбаев брифингде билдирди.

Маалыматка ылайык, 15-июнь күнү 87 учур катталып, ал бир сутканын рекорддук көрсөткүчү деп катталган.

Жаңы учурлар:

Бишкек шаары – 57;

Ош шаары - 11;

Чүй облусунда - 11;

Ош облусу - 6;

Нарын облусунда - 9;

Ысык-Көл облусунан - 2;

Талас облусунда - 3;

Жалал-Абад облусунда - 1.

Муну менен республика боюнча жалпы 2472 учур катталды.

Ошол эле учурда бир сутка ичинде ооруканадан 34 бейтап чыгарылган. Кыргызстан боюнча бүгүнкү күнгө чейин илдеттен айыккандардын саны жалпы 1847 адамга жетти.