Бишкек шаарынын четиндеги Ак-Ордо конушунда апасын урган өгөй атасын 16 жаштагы бала бычактады. Бул тууралуу Бишкек ШИИББдин басма сөз кызматы билдирди.
Маалыматка ылайык, 11-апрель күнү түндө саат 23:30дар чамасында Улуттук Хирургия бөлүмүнөн чалуу түшкөн. Анда С.Р. аттуу жаран бычакталганы айтылган.
Ички иштер кызматкери ыкчам чара көрүп, күнөөлүүнү аныктаган.
Үй-бүлөдөгү келишпестиктен улам 16 жаштагы баланын өгөй атасы апасын урган. Бала чыдай албай өгөй атасына 3 жолу бычак сайган.
Бала туугандарынын үйүнөн кармалып, убактылуу кармоочу жайга киргизилген.
Пикирлер (1)