17-июнь: COVID-19дун жаңы 90 учуру катталып, 54 бейтап айыкты

17-июнга карата республика боюнча СOVID-19 инфекциясынын жаңы 90 учуру катталды. Бул тууралуу саламаттыкты сактоо министринин орун басары Нурболот Үсөнбаев брифингде билдирди.

Маалыматка ылайык, жаңы катталгандардын 36 учуру кайдан жууктурганы белгисиз.

Жаңы учурлар:

Бишкек шаары – 36;

Ош шаары - 7;

Чүй облусунда - 29;

Ош облусу - 6;

Баткен облусунда - 3;

Талас облусунда - 3;

Жалал-Абад облусунда - 3.

Муну менен республика боюнча жалпы 2562 учур катталды.

Ошол эле учурда бир сутка ичинде ооруканадан 54 бейтап чыгарылган. Кыргызстан боюнча бүгүнкү күнгө чейин илдеттен айыккандардын саны жалпы 1901 адамга жетти.