18 жаштагы кызды ала качып бара жаткан жигиттер «Сосновка» постунан кармалды. Алар 2-ноябрь күнү түнкү саат 22:00 чамасында Чүй ОИИБдин Жол кыймылынын коопсуздугун камсыз кызуу кызматынын №5 взводунун инспекторлору тарабынан суралып кармалган.
Чүй ОИИБдин басма сөз кызматынын маалыматы боюнча, Аламүдүн районунан 2 жаш жигит 2003-жылы төрөлгөн кызды болжол менен Талас облусу тарапка алып кетишкени тууралуу маалымат түшкөн. «Перехват» планы жарыяланып, «Сосновка» постундагы инспекторлор «Лексус» автоунаасын токтотушкан. Автоунаанын ичиндеги 2 жаш жигит жана жаш кыз суракка алынып, анын жүрүшүндө кызды күч менен ала качып бара жатышканы белгилүү болгон.
Алар андан ары териштирүү иштерин жүрүзүү үчүн Жайыл РИИБге жеткирилди.
Пикирлер (0)
Пикир жок. Сиз биринчилерден болушуңуз мүмкүн