№2 үй-бүлөлүк медицина борборунда жараксыз абалга келген «Спутник V» вакцинасынын 994 дозасы 840 мин сомду түзөт. Бул тууралуу Бишкек шаарынын социалдык саясат боюнча вице-мэри Виктория Мозгачева “Оор күндүн кечи” берүүсүндө түз эфир учурунда билдирди.
Бишкек шаардык мэриясы келтирилген чыгым №2 ҮМБ жетекчилиги жана жооптуу адамдары тарабынан төлөнөрүн белгиледи.
“Бул вакциналардын ар бири мамлекетке 20 долларга жакын суммага сатылып келген”,-деп билдирди муниципалитеттин басма сөз кызматынан.
Ал эми Республикалык иммунопрофилактика борборунун башчысы Гүлбара Ишенаписова аталган медицина борбору бир айдын ичинде жараксыз болуп калган Sputnik V вакцинасынын ордун толтурушу керектигин айтты.
Пикирлер (0)
Пикир жок. Сиз биринчилерден болушуңуз мүмкүн