20-май: COVID-19дун жаңы 27 учуру катталып, 12 бейтап сакайды (видео)

20-майга карата республика боюнча СOVID-19 инфекциясынын жаңы 27 учуру катталды. Бул тууралуу саламаттыкты сактоо министринин орун басары Нурболот Үсөнбаев брифингде билдирди.

Жаңы учурлар:

Бишкек шаарында – 4;

Чуй облусу – 1;

Ош облусу – 2;

Нарын облусу – 19;

Ысык-Көл облусу – 1.

Муну менен республика боюнча жалпы 1270 учур катталды.

 

Ошол эле учурда бир сутка ичинде ооруканадан 12 бейтап чыгарылган.
Республика боюнча бүгүнкү күнгө чейин илдеттен айыккандардын саны жалпы 910 адамга жетти.