2021-жылдын жаз айында кыргыз-тажик чек ара жаңжалында каза болгондордун үй-бүлөрүнүн бардыгы турак жай алышты. Бул тууралуу Баткен облусуна болгон пресс-турда маалым болду.
Баткен облусунун башчысы Абдикарим Алимбаевдин айтымында, үйлөр каза болгондордун үй-бүлөлөрүнө тегиз бөлүштүрүлүп берилген.
“Кичи шаарчага былтыр жазында аскердик кагылышууда каза болгон кичинекей кыз Мадинанын аты берилген. Үйлөрдүн курулушуна Баткен мэриясы тарабынан 5 гектар жер тилкесин бөлүнгөн. Жалпы 36 үй курулган, ар бир үйдүн участогу 6 соток”, - деди ал.
Алимбаев “Мадина” кичи шаарчасында жашаган жашы жете элек балдарга мамлекет тарабынан жөлөпул төлөнүп жатканын кошумчалады.
Эскерте кетсек, 2021-жылдын жаз айында кыргыз-тажик чек арасында жаңжал чыгып, 36 кыргызстандык көз жумган.
Пикирлер (0)
Пикир жок. Сиз биринчилерден болушуңуз мүмкүн