2023-жылы электр энергиясын импорттоо 3,2 миллиард киловатт-саатты түздү. Бул тууралуу энергетика министри Таалайбек Ибраев маалымат жыйынында билдирди.
Казакстан, Түркмөнстан жана Орусия менен келишимдер түзүлгөн.
Таалайбек Ибраевдин айтымында, январь-октябрь айларында «Кыргызстандын УЭК» ААК тармагына 10 миллиард 671 миллион киловатт-саат электр энергиясы берилип, бул көрсөткүч 2022-жылга салыштырмалуу 871,1 миллионго көп, ал эми бул көрсөткүч 9 миллиард 800 миллион киловатт-саат болгон.
«2023-жылдын январь-октябрь айларында 0,4-35 киловольт ЖЭБ тармактарында электр энергиясын жоготуулар 10,29 пайызды же 1 миллиард 97,9 миллион киловатт саатты түзүп, нормадан 0,82 пайызга азайды. 110-500 киловольттук түйүндөрдө электр энергиясынын техникалык жоготуулары 698,34 миллион киловатт-саатты же 5,35 пайызды түздү», - деди Энергетика министрлигинин башчысы.
Пикирлер (0)
Пикир жок. Сиз биринчилерден болушуңуз мүмкүн