2023-жылы коррупцияга каршы күрөшүү жана бюджеттик каражаттарды мыйзамсыз пайдалануу фактыларын текшерүү учурунда мамлекеттик казынага 12,2 миллиард сом кайтарылган. Бул тууралуу журналисттерге Кыргызстандын башкы прокурору Курманкул Зулушев билдирди.
Анын айтымында, өткөн жылы 7,9 миң текшерүү жүргүзүлүп, 10,5 миң протокол түзүлүп, 539 кылмыш иши козголгон.
Көзөмөл органынын жетекчиси ошондой эле коррупциялык жана кызматтык кылмыштар боюнча 1 миң 116 иш козголгондугу тууралуу маалымат берди.
Прокуратура 506, УКМК 385, Ички иштер министрлиги 228 ишти тергеген.
Келтирилген белгилүү бир зыяндын суммасы 5 миллиард 202 миллион сомду түзүп, 3 миллиард 44 миллион 370 миң сом өндүрүлгөн.
Пикирлер (0)
Пикир жок. Сиз биринчилерден болушуңуз мүмкүн